طلة صباح العيد 💜

السلام عليكم . . . 💜

كيفكم بنات ان شاءالله بخير و احسن الأحوال 💗

.

اليوم بوريكم طلة صباح العيد ☀💛...

بس بالأول حابه اقول ان لكل شخص ذوق مختلف عن شخص آخر ممكن شي يعجبك و مايعجب غيرك ممكن شي مايعجبك و يعجب غيرك . . .

" لولا إختلاف الأذواق لبارت السلع " 

.

.

الزبده طلة صباح العيد اعتمدت تكون سيمبل ناعمه و بنفس الوقت جميلة مثل عادتي في أغلب لوكات تكون بسيطه و ناعمه 💗🌸

.

أولاً الفستان إعتمدت يكون بلون مناسب للصيف و موديله سيمبل 

" مظلوم جداً بالصوره لا بالموديل و لا باللون " 😒

بحاول أشرحلكم الموديل دامه مو واضح مره

مغلق من قدام فيه زم من عند الكتف الأيمن و كمان مثل الحزام في الخصر و زم جهة اليمين و الزم مخليه ككسرات كبيره من تحت بس ماسك عالجسم💗 طوله ميدي . . .
من دبنهامز ...

بالنسبه للشوز و الشنطه 

الكعب جدا ناعم من زار ...

أما الشنطه من ميلانو ....

نجي للمكملات الاكسسواريز 🙊

إعتمدت اللون الموف للمناكير للكسر فما حبيت يكون معتمد علی كم لون . . .

و الخواتم ثنين منهم اللي يصيرون بنص الإصبع وواحد عادي      

        

نجي للميك اب مثل ما قلت لكم اني احب البساطه و الاشياء البسيطة عموماً 

فإعتمدت إن الميك اب يكون جداً سيمبل 

اول شي حطيت برايمر وو زعته بالطبطه 

بعدين حطيتت تغطيه ماقبل الفاونديشن و فاونديشن باودر من بيرمنيرالز مناسب لبشرتي الدهنية و مايسيح لما اطول فيه . . . 

وركزت عالعيون رسمت آيلاينر مجنح نحيف مع هالمسكرا من برجزا كثفت لي رموشي و طولتها بشكل جداً جميل 

و المحدد و الروج من برجوا لونهم نود 

و البلاشر من جيفنشي دمجت الاربعه مع بعض اعطاني لون جداً جميل . . .

نجي للشعر كنت مسويته ستريت و فرقته من النص و لميته من قدام نفس طريقة الصورة ...

آتمنی عجبتكم التدوينه . . 

دمتم أحبابي 💗

مجموعة إيفري ستراند للشعر

مجموعة إيفري ستراند بالكيراتين 🌸
مخصصه هالمجموعه للشعر المعالج كيميائيا و المتضرر و المجعد و المتقصف و الجاف ✨
مو شرط يكون شعرك مثل ما قلت فوق لكن اذا حابه تستعملين منتجات طبيعيه لشعرك تقدرين 🌷...

المجموعه مكون من "شامبو" و "ماسك" و "سيروم" و "بخاخ" انا شريتهم كلهم الا البخاخ ما حصلته .

المجموعه اللي يميزها انها خالبه من المواد الضاره " السولفات" و "كلوريد الصوديوم" و"لسيلكون"
 و انها من مكونات طبيعية
و من مكوناتها المفيده للشعر خلاصة الصبار و الكيراتين  🍃💗

الشامبو ...🌸
طبعاً اللي يميزه مثل ما قلت انه خالي من السولفيت و السيلكون وكلوريد الصوديوم فماراح يضر شعرك


خفيف جداً عالشعر تحسين الشعر بعده مو جاف فيه رطوبه و حيويه 💗
ريحته فراوله 😴🍓

سعره : 36 ريال

الماسك...🌸
هذا افضل ماسك جربته 😪💗
فظيع فظيع مره هالماسك 😍

يرطب الشعر و يعطيه حيويه و صحه تحسينه كذا فيه حياة 🌸
بعد ما تغسلين شعرك بالشمبو تحطينه عالاطراف خمس دقايق بعدين تغسلينه 💗
و هالماسك  تجنن ريحته موز 🍌 حتی بعد ما تخلصين الشاور تبقی الريحه لين ما تاخذين الشاور الثاني 😴💗

سعره :39 ريال

السيروم...🌸

السيروم هذا من السيرومات المفضله عندي 💗

ينحط بعد ما تخلصين شاور يكون شعرك مو جاف مبلل بس مو مره و تحطينه عالاطراف 🌷

حتی لما يكون شعري جاف و احس الاطراف تحتاج عادي احط منه و يحمي من الحراره و ييساعد علی تخفيف التقصف ويعطي لمعه و يرطب الاطراف و يعطها حيويه و صحه 💗✨
 ريحته فراوله تجنن 😴💗

سعره :34 ريال


المجموعه كامله سعرها 148 ريال متوفره في صيدليات النهدي و السديس و دان 

السلام عليكم و رحمة الله و بركاته ...

تدوينة اليوم راح اتكلم فيها عن تهيئة البشرة قبل الميك اب .. بالتحديد عن الـ(برايمر).

ايش هو البرايمر ؟

 منتج يوضع على البشرة لتهيئتها لاستقبال المنتج و يخلي المنتج يطول معاك لفترة اطول ,

سواءا المنتج اللي راح تحطينه بعد البرايمر يكون فاونديشن سيسي كريم بيبي كريم واقي شمس ويدمج لك 

المنتج اللي راح تحطينه بعده بشكل كويس , وفيه انواع كثيرة وماركات كثيرة فيهم البرايمر , ولكل بشرة لها نوع معين .

فيه انواع ترطب البشرة ينفع للبشرة الجافة , فيه انواع تعطي اضاءة و لوك ديوي لكل انواع البشرة , فيه انواع تسكر المسام للبشرة اللي تعاني من مشاكل المسام الواسعة و اللي تدهن بسرعة مثل صاحبات البشرة الدهنية .

اما اللي بشرتها صحية و ناعمة  و صافيه ما تحتاج البرايمر لانه هو مو منتج اساسي انما هو منتج إضافي  .

كيف أستخدمه ؟ 

توزعينه على بشرتك طبعا بعد التنظيف و الترطيب بخمس دقائق 

تبدأين توزعينه بطريقة الطبطبه مو المسح , لانك لو و زعتيه بطريقة المسح ماراح يسكر لك المسام

بس راح يطول بمدة المنتج اللي بتحطينه بعده , اما اذا و زعتيه بطرية الطبطبه راح  سكرلك المسام ويخفي لك المسام 

اذا كانت المسام عندك صغيره راح يخفي لك بنسبة 90 % إما إذا كانت كبيرة راح يخفي بنسبة 60 % - 70% .

و يعطي حجم أصغر للمسام إذا كنتي تعاني من مشكلة المسام الواسعه , ماتحطينه على كل وجهك لا بس 

على الأماكن اللي تحسين مسامها كبيره و تبين تخفينها بالنسبه لي تتركز في ( الأنف , وحول الأنف على عظمة الخدين).

إيش الأنواع اللي أستخدمها و أفضلها ؟ 

                          

1- the porefessional  من بنفت .

و اللي اتوقع بعضكم جربه و عجبه و بعضكم ما عجبه .

بالنسبة لي الباكنج كيوت جميل و لطيف و دائما بنفت يغروني بالباكنج و التغليف و التعليب .

قوامه كريمي و ملمسه زبدي ناعم وحريري  لونه بيجي يندمج مع البشرة و الفاونديشن بسرعه 

من دون ما يترك أثر دهني و يخفف من اثار الدهون يسكر المسام و يخفيها و يطول من فترة الفاونديشن .

سعره 180 ريال .

تحصلونه في سيفورا .

و هذا افضل نوع من بين الثلاثه .

2- ingrid  من شركه امريكيه .

قوامه جل مثل السيلكون بلون شفاف .

يثبت الفاونديشن لفتره اطول و يخفي المسام و يسكرها 

 و يندمج مع الاساس و الفاونديشن بسرعه بس ما يخفف من آثار الدهون اللي تفرزها البشره .

سعره 60 ريال

تحصلونه عند وسطاء العطور 

وهذا حسابهم في الانستقرام @ostacom

3- برايمر من بودي شوب ( ماله إسم ) .

قوامه جل مثل السليكون  ثقيل شوي شفاف اللون .

يسكر المسام و يخفيها اذا كان عندك مسام و اسعه , و يطول من فتره الفاونديشن لفتره بس مو طويله .

يحد من افراز البشره للدهون و يندمج مع الاساس و البشره بسرعه .

لاحظت انه يخفي المسام و و يسكرها اكثر من الوظائف الثانيه , و اذا وزعتيه على اماكن مو موجود 

فيها مسام كبيره ( يعني و زعتيه على كل بشرتك )  او مناطق جافه او شبه جافه

ممكن يتكتل , و حتى اذا و زعتيه  بطريقة المسح راح يتكتل .

السلام عليكم و الرحمة ..

هذا اول موضوع اتم طرحه على المدونة اتمنى تستفيدون منه و يكون موضوع ممبز و ينال اعجابكم..

الفرشة الجافة (السنفرة الجافة او السويدية  ) 

فوائدها :~

1- ازالة القشور و الجلد الميت و الشعر اللي يكون تحت الجلد .

2- تحفز الدوره الدموية .

3- تنقية الجسم من الاوساخ مما يجعله اكثر نعومه عند ترطيبه لانه عند ازالة هذه الطبقة من الاوساخ يجعله يمتص المواد المرطبه .

4- التخلص من السيلوليت و محاربتها لانها يعمل على توزيع الدهون في الجسم , السيلوليت  "طبقة متكتله من الدهون ".

5- يشد البشرة و يحسن شكل العضلات ويوقويها .

6- يطرد السموم الموجوده في الجسم و يحفز الجهاز الليمفاوي , وهوجزء من الجهاز المناعي في الجسم .

7- يعطي احساس بالنشاط .

8- يوحد لون البشره و يساعد على الحد من الالوان الداكنه في الجسم .

انواع الفرش اللي عندي :~ 

1

الفرشة الاولى من بودي شوب : شعراتها قاسيه و تجرح و ما اعجبني تقشيرها , مكونة من الياف طبيعية ,

لها مقبض طويل غير قابل للفك و التركيب .

سعرها 60 ريال .

"صوره اوضح للشعرات"

2 

الفرشة الثانية من صيدلية وايتس : شعراتها انعم , تقشيرها افضل من فرشة بودي شوب , و طريقة استعمالها افضل و اسهل 

من فرشة بودي شوب لان لها مقبض طويل قابل للفك و التركيب .

سعرها 170 ريال .

"صورة اقرب للشعرات "

 من خلال المقارنه تقدرين تشوفين و تشترين اللي عجبك و يناسبك .

طريقة الاستعمال :~

لازم يكون الجسم جاف تماماً !

خالي من الزيوت و الماء .

ويكون التقشير بحركات دائرية  بإتجاه القلب , 

و يكون بدون ضغط بحركة خفيفة !

يجب الابتعاد عن ( الصدر و الوجه ) لانها مناطق حساسه .

و مهم مهم جداََ ترطيب الجسم بعدها وولا ما استفدتي شيء !

" تي تي مثل ما رحتي مثل ما جيتي"

شرح لطريقة الاستعمال  بالفيديو :~

http://www.youtube.com/watch?v=7ANy_2xWLAo

تستعمل ثلاث مرات بالاسبوع 

طريقة التنظيف :~ 

فركها بطرف سطح , و غسلها بالصابون و تنظيفها جيداََ بالماء ,

و الحرص على تعليقها بعد غسلها بالماء في مكان جاف .