السلام عليكم و رحمة الله و بركاته ...
تدوينة اليوم راح اتكلم فيها عن تهيئة البشرة قبل الميك اب .. بالتحديد عن الـ(برايمر).
ايش هو البرايمر ؟
منتج يوضع على البشرة لتهيئتها لاستقبال المنتج و يخلي المنتج يطول معاك لفترة اطول ,
سواءا المنتج اللي راح تحطينه بعد البرايمر يكون فاونديشن سيسي كريم بيبي كريم واقي شمس ويدمج لك
المنتج اللي راح تحطينه بعده بشكل كويس , وفيه انواع كثيرة وماركات كثيرة فيهم البرايمر , ولكل بشرة لها نوع معين .
فيه انواع ترطب البشرة ينفع للبشرة الجافة , فيه انواع تعطي اضاءة و لوك ديوي لكل انواع البشرة , فيه انواع تسكر المسام للبشرة اللي تعاني من مشاكل المسام الواسعة و اللي تدهن بسرعة مثل صاحبات البشرة الدهنية .
اما اللي بشرتها صحية و ناعمة و صافيه ما تحتاج البرايمر لانه هو مو منتج اساسي انما هو منتج إضافي .
كيف أستخدمه ؟
توزعينه على بشرتك طبعا بعد التنظيف و الترطيب بخمس دقائق
تبدأين توزعينه بطريقة الطبطبه مو المسح , لانك لو و زعتيه بطريقة المسح ماراح يسكر لك المسام
بس راح يطول بمدة المنتج اللي بتحطينه بعده , اما اذا و زعتيه بطرية الطبطبه راح سكرلك المسام ويخفي لك المسام
اذا كانت المسام عندك صغيره راح يخفي لك بنسبة 90 % إما إذا كانت كبيرة راح يخفي بنسبة 60 % - 70% .
و يعطي حجم أصغر للمسام إذا كنتي تعاني من مشكلة المسام الواسعه , ماتحطينه على كل وجهك لا بس
على الأماكن اللي تحسين مسامها كبيره و تبين تخفينها بالنسبه لي تتركز في ( الأنف , وحول الأنف على عظمة الخدين).
إيش الأنواع اللي أستخدمها و أفضلها ؟
1- the porefessional من بنفت .
و اللي اتوقع بعضكم جربه و عجبه و بعضكم ما عجبه .
بالنسبة لي الباكنج كيوت جميل و لطيف و دائما بنفت يغروني بالباكنج و التغليف و التعليب .
قوامه كريمي و ملمسه زبدي ناعم وحريري لونه بيجي يندمج مع البشرة و الفاونديشن بسرعه
من دون ما يترك أثر دهني و يخفف من اثار الدهون يسكر المسام و يخفيها و يطول من فترة الفاونديشن .
سعره 180 ريال .
تحصلونه في سيفورا .
و هذا افضل نوع من بين الثلاثه .
2- ingrid من شركه امريكيه .
قوامه جل مثل السيلكون بلون شفاف .
يثبت الفاونديشن لفتره اطول و يخفي المسام و يسكرها
و يندمج مع الاساس و الفاونديشن بسرعه بس ما يخفف من آثار الدهون اللي تفرزها البشره .
سعره 60 ريال
تحصلونه عند وسطاء العطور
وهذا حسابهم في الانستقرام @ostacom
3- برايمر من بودي شوب ( ماله إسم ) .
قوامه جل مثل السليكون ثقيل شوي شفاف اللون .
يسكر المسام و يخفيها اذا كان عندك مسام و اسعه , و يطول من فتره الفاونديشن لفتره بس مو طويله .
يحد من افراز البشره للدهون و يندمج مع الاساس و البشره بسرعه .
لاحظت انه يخفي المسام و و يسكرها اكثر من الوظائف الثانيه , و اذا وزعتيه على اماكن مو موجود
فيها مسام كبيره ( يعني و زعتيه على كل بشرتك ) او مناطق جافه او شبه جافه
ممكن يتكتل , و حتى اذا و زعتيه بطريقة المسح راح يتكتل .
